Lynda býður upp á sálfræðiþjónustu fyrir fullorðna sem glíma við ýmsar áskoranir, svo sem lágt sjálfsmat, kvíða, þunglyndi eða afleiðingar áfalla. Sjálfsgagnrýni og skömm. Hún hefur einnig reynslu af ADHD-greiningum hjá fullorðnum og starfar í Geðheilsuteymi ADHD fullorðinna.

 

Hún hefur meðal annars unnið á Kvennadeild og í áfallateymi Landspítala. Þar öðlaðist hún dýrmæta reynslu af því að styðja fólk á erfiðum tímum og vinna með fjölbreyttan vanda sem tengist andlegri líðan.

 

Í meðferð nýtir Lynda meðal annars hugræna atferlismeðferð (HAM), EMDR-áfallameðferð og samkenndarmiðaða meðferð (CFT). Meðferðin er sniðin að hverjum einstaklingi og tekur mið af þörfum hans, markmiðum og aðstæðum.

 

Lynda leggur áherslu á að skapa öruggt og traust rými þar sem þú getur rætt líðan þína, hugsanir og reynslu af virðingu og án fordóma. Hún leggur einnig áherslu á gott meðferðarsamband, skýr markmið og virka samvinnu.

 

Markmiðið er að hjálpa þér að öðlast betri skilning á sjálfum þér, styrkja bjargráð og sjálfstraust og finna leiðir til að takast á við það sem kann að standa í vegi fyrir vellíðan og auknum lífsgæðum.