Lydía Ósk sinnir meðferð og greiningu fullorðinna. Þar snýr meðferð helst að streitu, streitustjórnun, kulnun, áföllum, kvíðavanda og tilvistarkreppu. Lydía býður upp á aðstoð við fólk að lifa lífinu samkvæmt þeirra sanna sjálfi, að finna sinn tilgang og að hlusta á innsæi sitt.

 

Sérfræði- og áhugasvið
Lydía leggur áherslu á að mynda gott meðferðarsamband við skjólstæðinga sína, byggja upp öryggi og traust og mæta þeim þar sem þeir eru staddir hverju sinni.
Lydía styðst við EMDR og hugræna atferlismeðferð (HAM) ásamt samkenndarnálgun og núvitund í sinni meðferðarvinnu, allt eftir þörfum hvers og eins.

 

Menntun og starfsreynsla
Lydía útskrifaðist með Cand.psych. gráðu í sálfræði frá HÍ árið 2011 og er með BA-gráðu í sálfræði frá sama skóla.

 

Hún hefur lokið þjálfun í EMDR áfallameðferð Level 1 og 2.

 

Að auki hefur hún hefur mikla reynslu af fjölbreyttum störfum á vinnumarkaði, m.a. úr viðskiptaheiminum en Lydía hefur reynslu af mannauðsmálum, sölu, framkvæmd rannsókna, stjórnun, innleiðingu nýrra verkferla, breytingastjórnun, verkefnastjórnun, jafnlaunamálum og launagreiningum.