Vellíðan og árangur – Hefst 19. mars

Námskeiðið Vellíðan og árangur hefst miðvikudag 19 mars.

Námskeið er fyrir þá sem vilja ná betri líðan og árangri í lífinu.

Tímasetning: Námskeið hefst miðvikudag 19. mars og stendur í sex vikur.  Fer fram vikulega á miðvikudögum frá kl 14-16.

Staðsetning: Í sal Samkennd Heilsusetur, Tunguháls 19, 2 hæð.

Hvað læra þátttakendur:

• Markmiðsetningu út frá ACT meðferðarstefnu
• Að greina hegðun út frá því hvort hún færi okkur nær eða fjarlægi okkur markmiðum okkar.
• Að finna gildi sín og nota sem vörður að markmiðum
• Aðferðir til að bæta líðan sína út frá HAM og ACT meðferðastefnum
• Aðferðir til að styrkja sig í áskorunum daglegs lífs

 Á námskeiðinu eru kynntar gagnlegar aðferðir við að setja sér markmið og byggja upp innihaldsríkt líf. Farið í mikilvægi þess að setja sér markmið og hvernig við notum gildi til að ná markmiðum okkar.

Á námskeiðinu fá þátttakendur tækifæri til að prófa þær aðferðir sem kynntar eru, bæði í tímum og með heimavinnu.

Leiðbeinandi
Hugrún Sigurjónsdóttir sálfræðingur. Tveggja ára viðbótarnám í Hugrænni atferlismeðferð frá endurmenntun HÍ. Þýðandi bókarinnar Hamingjugildran, sem hefur selst í milljónum eintaka um allan heim og byggir á ACT meðferðastefnu.

Hugrún sinnir einstaklingsviðtölum á Samkennd Heilsusetri og er með samning við VIRK starfsendurhæfingu. Hugrún hefur reynslu af því að aðstoða fólk sem er á krossgötum í lífinu og vill setja sér markmið.

Verð
Námskeiðið kostar 70.000. Innifalið í námskeiðsgjaldi er hefti sem inniheldur glærur og verkefni námskeiðsins. Athugið að flest stéttarfélög niðurgreiða námskeiðið. Einnig geta þeir sem þiggja atvinnuleysisbætur sótt um greiðsluþátttöku hjá Vinnumálastofnun. Við hvetjum fólk til að kanna rétt sinn til endurgreiðslu.

Skráning á námskeiðið og frekari upplýsingar fást á netfanginu hugrun@samkennd.is.