Yin jóga & Bandvefslosun – Hefst 16. janúar

Yin jóga & Bandvefslosun

Næstu námskeið: 16. jan – 27. feb – 7 skipti

Tímasetning: Fimmtudagar
17.15-18.15 – Laus pláss
18.30-19.30 – Biðlisti

Lýsing: Þetta námskeið er í anda vinsælu pop-up tímanna sem Hekla og Hildur hafa leitt saman. Mýkt og mildi verður í fyrirrúmi í þessum tímum sem enda allir á ljúfri slökun. Í síðasta tíma námskeiðsins verður jóga nidra djúpslökun.

Hekla sér um bandvefslosunarhlutann þar sem bandvefur og vöðvar eru nuddaðir með mismunandi nuddboltum. Þú lærir að hlusta á líkamann þinn og getur metið hversu mikinn þrýsting líkaminn þinn þolir. Við notum svo blöðrubolta til að minnka og auka þrýsting þar sem við á. Í kjölfarið muntu finna fyrir aukinni líkamsvitund.

Farið verður í bandvefsbrautirnar sem útskýra svo vel hvernig bandvefurinn tengir vöðvana saman eftir ákveðnum leiðum. Fræðslan hjálpar okkur einnig að skilja betur upptök verkja því mjög oft eiga verkir upptök sín á öðrum stöðum en þar sem við finnum fyrir þeim.
Hildur mun svo sjá um yin jóga hlutann. Í yin jóga er djúpum teygjum haldið í 2 til 5 mínútur. Notast er við kubba, púða og jógaólar til að styðja iðkandann inn í stöðunum þannig að hverjum og einum líði sem best en fái jafnframt djúpa teygju. Með iðkun yin jóga aukum við liðleika og almenna vellíðan á líkama og sál. Hér reynir minna á líkamlegan styrk en í venjulegu jógaflæði þar sem fókusinn er að mýkja og lengja.

Leiðbeinendur: Hildur Rut Björnsdóttir og Hekla Guðmundsdóttir

​Verð: 25.400,- kr.

Skráning: Skráning fer fram í gegnum tölvupóst á hekla@bandvefslosun.is eða jogatilthin@gmail.com.