Gott jafnvægi – NETNAMSKEID um streitustjórnun – Hefst 15. janúar

Gott jafnvægi – NETnámskeið um streitustjórnun

Sex vikna NETnámskeið hefst miðvikudaginn 15. janúar og stendur í 6 vikur.
Tímasetning: kl 10:00 – 12:00

Viltu skilja streitu betur og kunna leiðir sem virka fyrir þig til þess að minnka streitu í þínu lífi og hugsa betur um þig en jafnframt ná meiri árangri í lífi og starfi?

Viltu skilja sjálfa þig betur og hvernig þú vilt eyða dögunum þínum? Þetta segja þeir sem hafa sótt námskeiðið:

“Andrúmsloftið var hlýlegt og afslappað og gott að koma upp í Samkennd.”

“Á heildina litið fannst mér námskeiðið vera mjög gagnlegt og ég mæli eindregið með því fyrir alla sem vilja skilja streitu betur og læra hvernig er hægt að stjórna henni.”

“Lydía er augljóslega að tala bæði af reynslu og mikilli fagþekkingu og miðlar efninu til þátttakenda á fyrirhafnarlausan og þægilegan hátt.”

Hentar:
Öllum sem upplifa einkenni of mikillar streitu og vilja læra leiðir til þess að finna betra jafnvægi.

Hvar:
Fjarnámskeiðið verður kennt í gegnum fjarfundarbúnað sem hægt er að nálgast í tölvu, spjaldtölvu eða síma.

Hvenær:
Einu sinni í viku í 6 vikur í 2 klst í senn.

Markmið:
Að þátttakendur skilji betur langvarandi streitu og afleiðingar hennar.

Að þátttakendur læri leiðir sem virka fyrir þá til þess að minnka streitu í sínu lífi, að hlúa betur að sér og öðlast betra jafnvægi. En á sama tíma að ná betri árangri í lífi og starfi.

Að þátttakendur skilji sjálfa sig betur og hvernig þeir vilja lifa lífinu.

Dagskrá námskeiðs:

1. Streita og afleiðingar langvarandi streitu.
2. Aðferðir við streitustjórnun og að komast í gott jafnvægi
3. Grundvallaratriði hugrænnar atferlismeðferðar og taugakerfið
4. Grunnþarfir og tilfinningar
5. Sjálfsmynd, samkennd og núvitund
6. Hver er ég og hver er mín framtíðarsýn?

Kostnaður:
Kostnaðurinn við þátttöku er 65.000 kr. Athugið að flest stéttarfélög niðurgreiða námskeiðið. Einnig geta atvinnuleysisbótaþegar sótt um greiðsluþátttöku hjá Vinnumálastofnun. Við hvetjum fólk til að kanna sinn rétt til endurgreiðslu.

Leiðbeinandi:
Lydía Ósk Ómarsdóttir, sálfræðingur.

Lydía hefur persónulega reynslu af að vinna sig út úr miklu streituástandi þegar hún var óvinnufær í næstum tvö ár vegna kulnunar. Nú sinnir hún sálfræðimeðferð hjá Samkennd-heilsusetri þar sem hún hjálpar fólki að minnka streitu og finna betra jafnvægi og betri líðan.

Sendu póst á lydia@samkennd.is ef þú vilt vera með eða hefur frekari spurningar.